برطانوی جوڑے کا پالتو خرگوش دنیا کا معمر ترین خرگوش قرار

برطانیہ کے ایک جوڑے کے پالتو خرگوش نے دنیا کے معمر ترین خرگوش کا اعزاز حاصل کر کے عالمی توجہ حاصل کر لی ہے۔

گینیز ورلڈ ریکارڈ کے مطابق ہربی نامی خرگوش کی عمر 10 نومبر 2025 کو 15 سال اور 82 دن ریکارڈ کی گئی، جس کے بعد اسے دنیا کا سب سے زیادہ عمر پانے والا خرگوش قرار دیا گیا۔

ہربی کا تعلق برطانیہ کے علاقے سرے سے ہے اور اس کے مالکان رچرڈ ڈنہم اور میلیسا ڈنہم ہیں، جنہوں نے اسے اس وقت گود لیا تھا جب وہ صرف آٹھ ہفتے کا تھا۔

مالکان کے مطابق ہربی کی طویل عمر کا راز اس کی بہترین دیکھ بھال، متوازن غذا اور محفوظ ماحول ہے، جس نے اسے صحت مند اور متحرک رکھا۔

ہربی کی غیر معمولی عمر نے نہ صرف اس کے مالکان کو خوشی دی بلکہ دنیا بھر میں جانوروں سے محبت کرنے والوں کی توجہ بھی حاصل کی ہے۔

ماہرین کے مطابق مناسب خوراک، صاف ماحول اور باقاعدہ نگہداشت پالتو جانوروں کی عمر بڑھانے میں اہم کردار ادا کرتے ہیں۔

یہ ریکارڈ اس بات کی بھی مثال ہے کہ پالتو جانوروں کی درست دیکھ بھال انہیں ایک لمبی اور صحت مند زندگی فراہم کر سکتی ہے۔